Conocímonos nel trabayu fai tiempu, nun trabayu d’esos inestables onde nun sabes qué va a ser de ti al añu siguiente, un trabayu de la Conseyería ónde llevantamos la pancarta de la estabilidá fai munchos años sin conseguir nada. Un trabayu nel que yes ínterin de profesión y nel qu’abandones un poco a los tos fios p’apuntate a los Comenius y a les Cooperatives, a les Aperturas a la Comunidá, a los dies de la Paz, de los Derechos del Niño, a les fiestes de Navidá , d’Antroxu, al periódicu escolar, a les nueves tecnoloxíes , onde prepares obres de teatro o viaxes na Semana Blanca cuando nun hai quien vaya olvidando que’l contratu que firmes dende fai 10 o 20 años terminase en setiembre, nel meyor de los casos.
Nesa inestabilidá perpetua del interín conocímonos. Yera un añu especialmente malu, porque diben echar a la cai a muchos . Un añu nel que la desunión de los sindicatos fizo que los interinos nos separtáremos más si cabe, nel que la xuventú y parte de la sociedá sacó la so cara depredadora .Un añu pa facer hestoria.
Pero tamién deprendes coses , sobre too lo que significa solidarizase con compañeros despedíos y conocer quién ye caún neses hores onde tanta xente tien otres coses que facer que apuxar la pancarta peles cais o encerrase a la vera Riopedre.
Naquelles batalles, onde se fizo una guerra ente los que taben nes llistes de trabayu y los que queríen entrar a costa del despidu d’otros, díxose y desfizose de too.
Pero la inestablidá tien otres coses , fais turismu y pelegrines polos centros faciendo un análisis de los mesmos. Centros onde se trabaya sin parar dando más importancia a los papeles a presentar en tiempu y forma que a los neños que anden con mil y un problemes o los que faen lo mínimo cacarexándolo bien pa que paezca más y otros onde la xente nun para. Xente como la mio amiga Susana, que l'atopé llindando a los neños de Somiedu n’Uviéu . Igual ye la única interina y la que tien más años trabayaos, pero eso a quién importa.
Agora vienen dineros pola carrera profesional, pero ye sabío que los interinos nun trabayen lo mesmo y polo tanto nun tienen derechu, lleven 6 meses esperando pola antigüedá como si nada .
Feliz añu y que vayan toos a la mierda.
La casa de las babayagas
